viernes, 14 de junio de 2019

CENTRO RESIDENCIAL DOCENTE

Orde do 28 de maio de 2019 pola que se convocan prazas de residencia nos centros residenciais docentes da Coruña, Ourense e Vigo para realizar estudos postobrigatorios non universitarios no curso 2019/20.

Persoas beneficiarias: Alumnado que no curso académico 2019/20 inicie ou continúe estudos postobrigatorios non universitarios en centros docentes públicos ou privados concertados situados nos termos municipais da Coruña, Culleredo, Ourense e Vigo e reúnan os requisitos académicos, persoais, de lugar de residencia e económicos establecidos na orde de convocatoria.

Prazo de presentación de solicitudes

1. Prazo de presentación de solicitudes en período ordinario:

a) Para o alumnado matriculado en bacharelato, entre o día seguinte ao da publicación desta convocatoria e o 12 de xullo de 2019 (este incluído).

b) Para o alumnado matriculado en ciclos formativos, entre o día seguinte ao da publicación desta convocatoria e o 9 de agosto de 2019 (este incluído).

2. Prazo de presentación de solicitudes en período extraordinario:
Entre o 16 e o 20 de setembro de 2019, ambos incluídos.

Modelo de solicitude

ADMISIÓN A CICLOS FORMATIVOS

Para acceder a Ciclos Formativos establecese un sistema de prioridades na adxudicación de prazas e prazos de presentación de solicitudes e de formalización da matrícula, que podedes consultar aquí:

INFORMACIÓN ADMISIÓN

Pasos a seguir para participar no proceso de admisión a ciclos:

Durante os períodos de solicitude establecidos, utilizar o asistente informático para xerar unha solicitude web.
No caso de ser necesario, levar dentro do período establecido, a solicitude web xerada co asistente informático a validar a un centro con oferta de FP sostida con fondos públicos.
Consultar as listaxes de solicitudes (provisional e definitiva) e as de adxudicación nas datas sinaladas no calendario de admisión.
No caso de ter adxudicación, durante o periodo establecido matricularse ou renunciar (a renuncia so é necesaria no caso do réxime ordinario).